بوت الترقيات والرصد في فايف ام — شروط الترقية
بوت الترقيات التلقائية والرصد لقطاعات فايف ام (FiveM): شروط الترقية لكل رتبة، متابعة التقدم من الملف الشخصي، مكافأة الترقية وصفحة الرتب والترقيات.
مكان الصفحة: لوحة القطاع ← «الموظفون والرتب» ← «الرتب و الترقيات» — وتقدمك في تبويب «الترقية» بملفك الشخصي
نظام الترقيات في أوركا بوت هو بوت الرصد والترقيات التلقائية لقطاعات فايف ام: تحدد شروط الترقية لكل رتبة في القطاع، والبوت يرصد حضور وتفاعل كل عضو تلقائياً، والعضو يتابع تقدمه بنفسه من ملفه الشخصي. الترقية نفسها تتم عبر برقية أو من مكافآت المتصدرين.
شروط الترقية
كل رتبة لها شروط لازم العضو يكملها عشان يترقى للرتبة اللي فوقها. أعلى رتبة ما لها شروط لأنه ما فيه شيء فوقها. الشروط الممكنة:
- أيام الحضور — عدد الأيام اللي حضر فيها العضو.
- ساعات العمل — إجمالي وقت العمل المطلوب.
- ساعات في أماكن محددة — ساعات في مكان معين، أو مجموع ساعات على أكثر من مكان.
- تقارير الإشراف — عدد التقارير اللي أشرف عليها.
- دورات ومسؤوليات — لازم تكون معه.
- نقاط — لو نظام النقاط مفعل في القطاع.
- تفاعل صوتي وكتابي — ساعات صوت أو عدد رسائل في قنوات محددة، لو نظام تفاعل الديسكورد مفعل.
الشروط تنحسب من تاريخ بداية خاص بكل عضو، يبدأ من تاريخ تعيينه. الترقية العادية ما تصفّر العداد — بس برقية الترقية فيها خيار «مع بدأ شروط الترقية من جديد» يعيده من الصفر.
تابع تقدمك
افتح ملفك الشخصي وادخل تبويب «الترقية». يعرض لك رتبتك الحالية والرتبة القادمة، وشريط تقدم لكل شرط، و«مكافأة الترقية» — مبلغ يستلمه العضو عند ترقيته، حسب الإعداد.
كيف تتم الترقية؟
- برقية ترقية: القائد أو من معه صلاحية يسوي برقية من نوع ترقية.
- مكافآت المتصدرين: لو مفعلة، أصحاب المراكز الأولى يترقون تلقائياً ببرقية.
للقادة والإدارة
من صفحة «الرتب و الترقيات» تقدر:
- تعدل مصفوفة الشروط لكل رتبة.
- تسوي أكثر من نوع ترقية (مثلاً شروط مختلفة للأعضاء المعاقبين) وتربط كل نوع برولات ديسكورد، والأولوية تحدد أي نوع ينطبق على العضو.
- تربط كل رتبة برول ديسكورد — تعديل الرولات لإدارة السيرفر فقط، والقائد يشوف الربط بدون تعديل.
الرتب نفسها تجي من سيرفر فايف ام وما تنضاف يدوياً — زر «مزامنة الرتب» يحدثها (لإدارة السيرفر فقط). سيرفرات vRP استثناء: رتبها تتحدد من اللوحة.