لوحة تحكم السيرفر في فايف ام — القطاعات والأداء والمتصلين

لوحة تحكم السيرفر في أوركا بوت لسيرفرات فايف ام (FiveM): القطاعات وتفعيلها، الاشتراك والمحفظة، مقارنة أداء القطاعات، المتصلون الآن، ومعلوماتي والتوظيفات.

مكان الصفحة: لوحة السيرفر ← «نظرة عامة» ← «نظرة عامة» و«أداء القطاعات» — لوحة السيرفر ← «الإدارة العامة» ← «المتصلون الآن» — لوحة السيرفر ← «صفحات عامة» ← «معلوماتي» و«التوظيفات»

لوحة تحكم السيرفر في أوركا بوت هي المكان اللي تدير منه كل قطاعات سيرفرك في فايف ام من صفحة وحدة: تشوف القطاعات وحالتها، وتفعّل القطاع أو تعطّله، وتتابع الاشتراك والمحفظة، وتقارن القطاعات ببعض، وتشوف كل المتصلين على خريطة وحدة. تدخلها من «السيرفرات و القطاعات» ← «سيرفراتك» ← زر «إنتقال» تحت سيرفرك، والقائمة الجانبية تعرض لك بس الصفحات اللي يسمح لها مستواك.

ماذا تقدم لوحة تحكم السيرفر؟

• بطاقة لكل قطاع بحالته وعدد أعضائه والمتصلين منه، مع «إنشاء قطاع» وتفعيل القطاع أو تعطيله بمفتاح واحد.
• المحفظة والاشتراك وعدد الأعضاء في بطاقات أعلى «نظرة عامة».
• «أداء القطاعات»: كل القطاعات على نفس الفترة ونفس المقياس، مع التغيّر عن الفترة اللي قبلها.
• «المتصلون الآن»: كل المتصلين في سيرفر فايف ام على «خريطة اللاعبين المباشرة».
• «معلوماتي» و«التوظيفات» لأي عضو في سيرفر الديسكورد.

أقسام القائمة الجانبية ومين يشوفها

«الإدارة» يعني مالك السيرفر وكل من عنده ADMINISTRATOR في الديسكورد، و«القادة» يعني كل من يحمل «صلاحية القيادة» في أي قطاع.

• أعلى القائمة شعارات القطاعات: اضغط أي شعار وتدخل لوحة القطاع.
• الإدارة والقادة يفتح لهم السيرفر على «نظرة عامة»، وباقي الأعضاء على «التوظيفات».
• الصفحة اللي فوق مستواك تطلع فيها «لا تملك صلاحية الوصول» مع المستوى المطلوب، مثل «هذه الصفحة متاحة لإداريي السيرفر فقط.»

«إعدادات السيرفر» شرحها في إعدادات السيرفر، و«حظر التوظيف» (كل المحظورين من التوظيف في كل القطاعات) في نظام منع التوظيف.

«نظرة عامة»

أعلى الصفحة ثلاث بطاقات:

• «المحفظة»: «الرصيد الحالي» و«معلقة» و«آخر شحن»، مع «شحن المحفظة» و«السجل» — شوف كيفية شحن رصيد السيرفر.
• الاشتراك: «الخطة الحالية» والأيام الباقية ووش تعطيك الخطة، مع «ترقية الخطة» و«مقارنة الخطط». ولو اشتراكك مو عبر PayPal يكون تحت العدّاد زر «تجديد لإضافة أيام»، ولما يبقى أقل من 5 أيام يطلع فوقه «اشتراكك على وشك الانتهاء — جدّد أو رقِّ الخطة قبل انتهائها.» — شوف كيفية الاشتراك.
• «الأعضاء»: «إجمالي الأعضاء» في سيرفر الديسكورد، و«متصل من القطاعات» و«الموظفين في القطاعات»، وزر «عرض المتصلين».

وتحتها قسم «القطاعات»:

• سطر الخطة: كم قطاع عندك من حد خطتك مع شريط الخانات ورابط «رقّ خطتك لمزيد من القطاعات»، أو «غير محدود»، أو «إنشاء القطاعات معطّل في هذه الخطة» لو خطتك ما تسمح بأي قطاع.
• «إنشاء قطاع» (للإدارة): يفتح معالج الإنشاء — شوف كيفية إنشاء قطاع جديد. لما توصل حد خطتك ينقفل ويظهر «وصلت الحد الأقصى — رقّ الخطة لإضافة قطاعات».
• بطاقة القطاع: الشعار والاسم، والحالة «نشط» أو «غير مفعّل»، و«… عضو» (الموظفين ومعهم اللي في إجازة) و«… متصل» (اللي في اللعبة الحين على وظيفة القطاع)، وزر «الدخول إلى القطاع»، ومفتاح التفعيل للإدارة.
• الخانات: الخانات الفاضية اللي باقية في خطتك تظهر كبطاقات «إضافة قطاع جديد» (وفي الخطة غير المحدودة بطاقة وحدة للإدارة)، ولو عندك قطاعات أكثر من حد خطتك الحالية تظهر بعددها خانات «قطاع مقفل في خطتك الحالية».

أرقام المتصلين تتحدث كل 30 ثانية وأنت فاتح الصفحة، وتعتمد على البيانات الحيّة بس: لو سيرفر فايف ام وقف عن إرسال بياناته تنحسب صفر.

تفعيل القطاع وتعطيله

التعطيل يوقف القطاع بالكامل بدون ما ينحذف منه شي، والتفعيل يرجّعه ويعوّض اللي فاته. المفتاح للإدارة بس.

1. في «نظرة عامة» روح لبطاقة القطاع واضغط المفتاح. جنبه مكتوب وش بيسوي: «إلغاء تفعيل القطاع» أو «تفعيل القطاع».
2. نافذة التأكيد تشرح وش بيصير، وتنبهك إنك ما تقدر تغيّر حالته مرة ثانية قبل 3 ساعات. اضغط «إلغاء التفعيل» أو «تفعيل».

لما تعطّله: «سيتوقف القطاع بالكامل: كل الأوامر والمهام الخلفية والبوت لن تعمل حتى إعادة التفعيل.»

• أوامر البوت ترد «هذا القطاع غير مُفعّل حالياً. فعّله من لوحة التحكم» مع رابط، ولوحة القطاع تعرض «هذا القطاع غير مُفعّل» (والإدارة تلقى فيها زر «تفعيل القطاع»).
• تقرير العمليات المفتوح ينقفل تلقائياً قبل التعطيل، عشان ما تنحسب للأعضاء ساعات وهمية.
• لوحات المتصدرين تتجمّد ويظهر فيها «تم إلغاء تفعيل القطاع.»، والمهام التلقائية مثل بداية الإجازات ونهايتها وفتح التوظيف المجدول توقف.
• أعضاء القطاع وإعداداته وسجلاته تبقى مثل ما هي.

لما تفعّله: البوت يزامن الأعضاء والرتب، ويرجع ينشر لوحات المتصلين والقوانين والنقاط والمتصدرين، وعلى البطاقة يظهر «جاري المزامنة…». تقرير العمليات ما يرجع ينفتح لحاله، فافتح تقرير جديد. والتفعيل ما يتعدى حد خطتك من القطاعات المفعّلة: لو وصلته ينقفل مفتاح القطاع المعطّل ويظهر جنبه «بلغت الحد الأقصى للقطاعات المفعّلة في خطتك الحالية. رقِّ خطتك للمزيد.»

مهلة الـ3 ساعات: بعد كل تفعيل أو تعطيل من البطاقة (أو تفعيل من لوحة القطاع) ينقفل مفتاح هذا القطاع 3 ساعات، ويظهر فوقه «تم تغيير حالة هذا القطاع مؤخراً — التبديل متاح بعد انتهاء العدّاد.» مع عدّاد ووقت الفتح بالضبط. وتنفك المهلة عن كل القطاعات لما تشتري خطة (من المحفظة أو عبر PayPal) أو ينتهي الاشتراك.

لما ينتهي الاشتراك: كل القطاعات تتعطل مرة وحدة، ومالك السيرفر توصله رسالة خاصة، وأوامر البوت ترد «انتهى اشتراك الخادم، وهذا القطاع مُعطّل حالياً» مع رابط التجديد. ولو خطتك الحين ما تسمح بأي قطاع مفعّل، «نظرة عامة» تعرض للإدارة «انتهى اشتراكك وتم تعطيل جميع قطاعاتك. خطتك الحالية لا تسمح بأي قطاع مفعّل — اشترك في خطة لإعادة تفعيلها.» بعد ما تشتري خطة من رصيد المحفظة ترجع لـ«نظرة عامة»، ولو عندك قطاع معطّل تنفتح نافذة «تفعيل القطاعات» وكل المعطّل محدد، فاضغط «تفعيل المحدد» (أو «لاحقاً»). ولو كل قطاعاتك معطّلة وخطتك تسمح بالتفعيل يظهر للإدارة شريط «تم تجديد اشتراكك وجميع قطاعاتك معطّلة. فعّلها الآن بدون انتظار.» مع زر «تفعيل القطاعات» اللي يفتح نفس النافذة. التفعيل من هالنافذة ما عليه مهلة.

«أداء القطاعات»

صفحة للعرض بس، تقارن كل قطاعات السيرفر على نفس الفترة ونفس المقياس، عشان تعرف مين شايل السيرفر ومين متراجع. ولأرقام قطاع واحد بعمق عندك أداء القطاع.

1. اختر الفترة: «اليوم» أو «أمس» أو «آخر 7 أيام» (الافتراضي) أو «آخر 30 يومًا» أو «هذا الشهر» أو «الشهر الماضي»، أو «من» و«إلى» ثم «عرض» (في الجوال من «مخصص»). أطول فترة 366 يوم.
2. اختر «المقياس المقارَن»: يبدأ على «ساعات العمل»، وعلى «النقاط» في سيرفرات vRP، ولو نظامه مطفي في كل القطاعات يبدأ على «الأعضاء العاملون».
3. حدد «القطاعات المقارَنة»: «الكل»، أو اضغط أي قطاع تشيله من المقارنة أو ترجّعه.

كل نسب التغيّر ▲▼ تقارن فترتك بـ«الفترة السابقة المماثلة» اللي بنفس الطول، والصفحة تختارها لحالها. ورابط الصفحة يحفظ الفترة والمقياس، فتقدر ترسله لغيرك من القادة.

«الأعضاء العاملون» و«جلسات اللعبة» دايم موجودة في «المقياس المقارَن»، وباقي المقاييس تظهر لو قطاع واحد على الأقل مشغّل نظامها. والقطاع اللي نظام المقياس مطفي عنده ما ينقاس: يظهر عنده «—» (وفي الجدول «غير مفعّل في هذا القطاع») وما يدخل في المجموع ولا الحصص.

وش تعرض الصفحة:

• 4 بطاقات: إجمالي المقياس، و«الأعضاء العاملون» (أو «إجمالي ساعات العمل» لو المقياس هو الأعضاء)، و«نسبة الحضور» من القوام، و«القطاع الأعلى».
• «جدول المقارنة»: القطاعات مرتبة مع حصة كل قطاع و«العاملون / القوام» و«التغيّر»، وأسماء قيادة كل قطاع. يظهر «هبوط حاد» لو نزل القطاع 15% أو أكثر، و«حضور منخفض» لو اشتغل أقل من 45% من قوامه. اضغط أي صف وتنفتح «أداء القطاع» لنفس الفترة.
• «حصة كل قطاع» و«مقياسًا بمقياس»: نصيب كل قطاع من الإجمالي، وكل مقياس مقارن داخل نفسه.
• «مقارنة القطاعات عبر الزمن»: خط لكل قطاع، مستقل عن الفترة اللي فوق لكنه يتبع المقياس والقطاعات المختارة: «بالساعات» (آخر 24 ساعة بفترات ساعتين، وما يظهر مع «رسائل ديسكورد») أو «يومي» (10 أيام) أو «أسبوعي» (8 أسابيع من السبت للجمعة) أو «شهري» (12 شهر)، وتتنقل بـ«السابق/التالي» لين 24 نافذة للخلف. مرّر على أي نقطة وتشوف رقم كل قطاع وتغيّره.

«المتصلون الآن»

صفحة للإدارة عنوانها «المتصلون على السيرفر»: كل اللاعبين المتصلين الحين في سيرفر فايف ام على خريطة وحدة وبقائمة حسب القطاع. تحتاج سيرفرك مربوط، وإلا تطلع «ربط FiveM مطلوب» — شوف ربط سيرفر فايف ام.

• «… متصل من القطاعات»: المتصلين من قطاعاتك المفعّلة بس، وما فيه عداد لكل لاعبين السيرفر. ولو السيرفر وقف يرسل بيانات حيّة يظهر «السيرفر غير متصل» والقوائم فاضية.
• «تصفية حسب القطاع»: زر لكل قطاع بعدد متصليه، واللاعبين اللي مو في قطاعاتك يتجمعون حسب وظيفتهم في اللعبة (وفي vRP حسب مجموعتهم أو «بدون وظيفة»). التصفية تمشي على الخريطة والقائمة.
• «خريطة اللاعبين المباشرة» و«الأعضاء المتصلون»: تتحدث كل 30 ثانية أو بزر «تحديث». كل صف فيه حالة الخدمة و«AFK» ورقم اللاعب ومدة جلسته، والضغط عليه يوريك مكانه على الخريطة. وبطاقة اللاعب فيها «نسخ الإحداثيات» و«نسخ المعرّفات».
• لو البوت ما يقدر يكتب في قناة من قنوات سيرفرك يطلع «قنوات لا يستطيع البوت الكتابة فيها» مع السبب، مثل موضوع (thread) مؤرشف يحتاج MANAGE_THREADS.

القادة يشوفون متصلين قطاعهم من لوحة القطاع ← «معلومات القطاع» ← «قائمة المتصلين» — شوف نظام المتصلين.

«صفحات عامة»: «معلوماتي» و«التوظيفات»

• «معلوماتي»: ملفك في كل قطاعات السيرفر، الحالية والسابقة: «وقت العمل (التقارير)» و«وقت التواجد (اللعبة)» وتقارير الإشراف و«إجمالي الترقيات»، وبطاقة لكل قطاع فيها حالتك ورتبتك وكودك وتاريخ «الانضمام» و«المغادرة». ملف أي عضو ثاني بهالشكل للإدارة بس.
• «التوظيفات»: «إعلانات التوظيف» فيها بطاقة لكل قطاع بحالة توظيفه («مفتوح للتقديم» أو «مجدول» أو «موقوف مؤقتاً» أو «مغلق» أو «لا يوجد توظيف»)، مع «قدّم الآن» (أو «عرض طلبي» لو قدّمت) لما يكون مفتوح، و«ذكرني عند الفتح» لما يكون مجدول أو ما فيه توظيف. وتحتها «تقديماتي» فيها كل طلباتك وحالتها — شوف نظام التوظيف.

ملاحظات مهمة

• «أداء القطاعات» تحسب الأعضاء الحاليين بس، والعضو اللي في قطاعين ينحسب للاثنين. والإضافات اليدوية للساعات وتقارير الإشراف (قسم تحكمات القادة في «البرقيات») ما تدخل فيها.
• أرقام «أداء القطاعات» ممكن تتأخر لين دقيقتين، والرسم لين 5 دقائق.
• القطاع المعطّل يبقى في «أداء القطاعات» بعلامة «معطّل» لأن تاريخه محفوظ.
• في لوحة أوركا داخل اللعبة «نظرة عامة» تصير صفحة اختيار القطاع ويشوفها كل عضو، بدون بطاقات المحفظة والاشتراك و«الأعضاء» و«إنشاء قطاع» ومفتاح التفعيل، وبدون «الاشتراك والرصيد» و«ربط فايف ام».

أسئلة شائعة

ليش لما أفتح السيرفر تطلع لي «التوظيفات» بدل «نظرة عامة»؟

«نظرة عامة» و«أداء القطاعات» لمالك السيرفر واللي عنده ADMINISTRATOR ولقادة القطاعات. أي عضو ثاني يفتح له السيرفر على «التوظيفات»، ويشوف في القائمة «معلوماتي» و«التوظيفات» بس.

ليش ما يظهر لي مفتاح تفعيل القطاع؟

المفتاح لمالك السيرفر واللي عنده ADMINISTRATOR في الديسكورد بس. قادة القطاعات يشوفون بطاقات القطاعات في «نظرة عامة» بدون المفتاح.

مفتاح تفعيل القطاع مقفول، وش السبب؟

إما إن حالة القطاع تغيّرت قبل أقل من 3 ساعات (العدّاد ووقت الفتح فوق المفتاح)، أو إن القطاع معطّل وخطتك وصلت حدها من القطاعات المفعّلة، ويظهر جنبه «بلغت الحد الأقصى للقطاعات المفعّلة في خطتك الحالية. رقِّ خطتك للمزيد.»

هل تعطيل القطاع يحذف بياناته؟

لا. القطاع يوقف بالكامل لكن أعضاءه وإعداداته وسجلاته تبقى، ولما تفعّله يزامن البوت الأعضاء والرتب ويرجع ينشر لوحاته. بس تقرير العمليات المفتوح ينقفل وقت التعطيل، فافتح تقرير جديد بعد التفعيل.

عطّلت قطاع، ليش ما قدرت أنشئ قطاع جديد؟

حد إنشاء القطاعات في خطتك يحسب كل القطاعات، المفعّلة والمعطّلة. التعطيل يفضّي مكان في حد القطاعات المفعّلة بس، مو في حد الإنشاء.

أنا قائد قطاع، ليش «عرض المتصلين» يطلع لي «لا تملك صلاحية الوصول»؟

صفحة «المتصلون الآن» في لوحة السيرفر للإدارة بس. كقائد تشوف متصلين قطاعك من لوحة القطاع ← «معلومات القطاع» ← «قائمة المتصلين».

ليش قطاع يظهر عنده «—» في «أداء القطاعات»؟

النظام اللي يقيس هذا المقياس مطفي في هذا القطاع، مثل التقارير أو النقاط، فما يدخل في المجموع ولا الحصص. «—» يعني ما ينقاس، مو صفر. ولو «—» في عمود «التغيّر» بس، فالفترة السابقة كانت صفر والحالية فيها نشاط، وما فيه نسبة تنحسب من الصفر.

ضغطت على قطاع في «جدول المقارنة» وطلعت «لا تملك صلاحية الوصول»، ليش؟

«أداء القطاعات» تعرض كل القطاعات لأي قائد، لكن صفحة «أداء القطاع» لقطاع معيّن تنفتح لقادته وللإدارة وللي عنده صلاحية «عرض أداء القطاع» فيه. فبدون هذي الصلاحية في القطاع الثاني تقدر تفتح صفحة قطاعك بس.

مقالات ذات صلة

• كيفية إنشاء قطاع جديد في أوركا بوت
• كيفية الاشتراك وترقية الخطة في أوركا بوت
• أداء القطاع والتقرير اليومي في أوركا بوت
• مستويات الوصول في أوركا بوت
• إعدادات السيرفر في أوركا بوت

آخر تحديث: 2026-10-29